شہباز شریف اور حمزہ شہباز کی عبوری ضمانت میں توسیع

لاہور کی اسپیشل کورٹ سینٹرل نےمنی لانڈرنگ کیس میں مسلم لیگ ن کے صدرشہباز شریف اور ان کے بیٹےحمزہ شہباز کی عبوری ضمانت میں 10 مارچ تک توسیع کر دی۔ 

لاہور کی اسپیشل کورٹ سینٹرل میں مسلم لیگ ن کے صدر شہباز شریف اور قائدحزبِ اختلاف پنجاب اسمبلی حمزہ شہباز کے خلاف شوگر ملز کےذریعے منی لانڈرنگ کیس پر سماعت ہوئی۔

 عدالت نےایف آئی اے کی روزانہ کی بنیاد پر سماعت اور شریک ملزم کی عدالتی دائرہ اختیار کےخلاف درخواستوں پر سماعت کے لیے 10 مارچ کی تاریخ مقرر کر دی۔

 حمزہ شہباز کے وکیل اعظم نذیر تارڑ نے کہا کہ جب بھی سیاسی ماحول گرم ہوتا ہے، ایف آئی اے کی تشویش بڑھ جاتی ہے، آج کل تشویش کی وجہ 23 مارچ کا لانگ مارچ ہے۔

انہوں نے کہا کہ اگر عدالت سبھی کیسز کی سماعت روزانہ کرتی ہے تو اس کیس کی بھی کر سکتی ہے لیکن ایک کیس کے لیے ایسا کرنا غیر آئینی ہو گا۔

بشکریہ جنگ