علی زیدی نے بلاول بھٹو زرداری سے ان کے اثاثے پوچھ لیے

پاکستان تحریک انصاف کے رہنما علی زید ی نے پی پی چیئرمین بلاول بھٹو سے اُن کے اثاثوں سے متعلق استفسار کیا ہے۔

سیہون کے علاقے بھان سعید آباد میں میڈیا سے گفتگو ہوئے علی زیدی نے کہا کہ بلاول زرداری سے پوچھتا ہوں ان کے اثاثے کیا ہیں؟ یہ کہتے ہیں ہر چیز ہمیں وراثت میں ملی ہے، دراصل یہ قوم کو بے وقوف بنارہے ہیں۔

وفاقی وزیر نے مزید کہا کہ بلاول بھٹو کون ہیں؟ میں نہیں جانتا ہوں، پی پی چیئرمین تو بلاول زرداری ہیں۔

علی زیدی نے یہ بھی کہا کہ کل سندھ مارچ کو وزیر خارجہ شاہ محمود قریشی لیڈ کریں گے، ہم نے انہیں سندھ آنے کی دعوت دی ہے۔

انہوں نے کہا کہ کالا باغ ڈیم پر کابینہ میں کبھی بات نہیں ہوئی، ڈیم کوئی پولٹری فارم نہیں جو رات میں بن جائے۔

بشکریہ جنگ