پی ٹی آئی ہم خیال گروپ کا عدم اعتماد تحریک کا مقابلہ کرنے کا اعلان

پاکستان تحریک انصاف (پی ٹی آئی)  کے ہم خیال گروپ نے اپوزیشن کی عدم اعتماد تحریک کا ڈٹ کر مقابلہ کرنے کا اعلان کر دیا۔ گروپ کا کہنا ہے کہ عدم اعتماد کی تحریک میں اپنی پارٹی کے ساتھ کھڑے ہوں گے۔

تحریک انصاف ہم خیال گروپ کا اجلاس لاہور میں ہوا۔ جس میں ایم پی اے غضنفر عباس شاہ، عامرعنایت شہانی، علی رضا خاکوانی، اعجاز سلطان بندیشہ اور سردار شہاب الدین سمیت دیگر نے شرکت کی۔

 اجلاس کے بعد جاری اعلامیے میں کہا گیا کہ اپوزیشن کی عدم اعتماد کی تحریک پنجاب میں آئی تو ناکام ہو گی۔

 ہم خیال گروپ نے بلدیاتی نظام میں ترامیم کے لیے تین مطالبات پیش کر دیے۔ اعلامیہ میں کہا گیا ہے کہ میئر کا انتخاب براہ راست کی بجائے بالواسطہ کروایا جائے۔

اعلامیے میں کہا گیا کہ بلدیاتی نظام میں تحصیل کونسلیں، ٹاؤن کمیٹیاں اور میونسپل کمیٹیاں بحال کی جائیں۔

بشکریہ جنگ