کونسا کرکٹر قلندرز کا ماحول بناتا ہے ؟

پاکستان سپر لیگ (پی ایس ایل) کی ٹیم لاہور قلندرز کے بائیں ہاتھ کے بیٹر فخر زمان کا کہنا ہے کہ شاہین آفریدی، حارث روف،  راشد خان اور میری بہت دوستی ہے اکٹھے وقت گزارنا اچھا لگتا ہے۔

فخر زمان، شاہین آفریدی، راشد خان اور حارث رؤف کی اکٹھے تصاویر سوشل میڈیا پر خوب وائرل ہو رہی ہے۔

جیونیوز سے گفتگو کرتے ہوئے فخر زمان نے کہا کہ ہم کچھ خاص باتیں نہیں کرتے بس ایک ساتھ وقت گزارتے ہیں گپ شپ کرتے ہیں حارث روف کے ہوتے ہوئے ماحول بڑا اچھا بن جاتا اور بہت مزہ آتا ہے۔

فخر زمان نے کہا کہ لاہور میں ہونے والے میچز کے لئے لاہور قلندرز کے سب کھلاڑی پرجوش ہیں لاہور کے فینز اپنی ٹیم کو بہت اسپورٹ کرتے ہیں ہم کوشش کریں گے کہ اپنے کراؤڈ کے سامنے اچھے کھیل کا مظاہرہ کریں کراؤڈ کو خوش کریں گے اور کوشش ہوگی کہ لاہور قلندرز کی ٹیم ٹورنامنٹ بھی جیتیں۔

فخر زمان نے کہا کہ کراچی کے میچز میرے لیے بہت اچھے گئے اب بھی اچھا کھیلنے کی کوشش کروں گا میری صرف یہی کوشش ہوتی ہے کہ ہر میچ میں لمبے سے لمبا کھیلوں کیونکہ میں سمجھتا ہوں کہ ٹاپ آرڈر میں اگر کوئی ایک بلے باز  دس بارہ اوورز کھیلتا ہے تو ٹیم کی پوزیشن بہتر ہوتی ہے۔

فخر زمان کو لاہور میں پڑنے والی اوس کی بھی فکر لاحق ہے انہوں نے کہا کہ لاہور میں ہمیشہ میچز کے دوران اوس کا عمل دخل رہتا ہے مارچ سے پہلے جتنے بھی میچز ہوتے ہیں اوس بہت پڑتی ہے ماضی میں اوس میں بھی میچز کھیلتے رہے ہیں اور اب ان میچز میں اوس پڑے گی بولنگ سائیڈ کےلیے دوسری اننگز بہت مشکل ہو گی لیکن اگر پہلی اننگز میں لمبا اسکور کیا ہو تو مشکل بھی نہیں ہوتی لیکن دوسری اننگز میں بولنگ کرنے والی ٹیم کا ایڈوانٹیج کم ہوتا ہے۔

بشکریہ جنگ