اسلام آباد: کورونا کیسز مثبت، مزید 4 تعلیمی ادارے سیل

ڈسٹرکٹ ہیلتھ آفیسر (ڈی ایچ او) نے دارالحکومت اسلام آباد میں کورونا کیسز مثبت آنے پر مزید تعلیمی ادارے سیل کردیے ہیں۔

ڈی ایچ او اسلام آباد ڈاکٹر زعیم ضیا نے اسکول سیل کرنے کے لیے انتظامیہ کو خط لکھا، جس کے بعد مزید 4 تعلیمی ادارے سیل کردیے گئے۔

خط کے مطابق اسلام آباد میں 16 جنوری سے اب تک 173 تعلیمی اداروں میں کورونا کیسز رپورٹ ہوچکے ہیں جبکہ کل سے اب تک 39 تعلیمی ادارے سیل کیے گئے ہیں۔

انہوں نے اپنے خط میں انتظامیہ سے سفارش کی کہ اسلام آباد کے 14 تعلیمی ادارے مقررہ مدت ہونے پر دوبارہ کھول دیے جائیں۔

ڈی ایچ او اسلام آباد کے مطابق ایس او پیز کے تحت مقررہ مدت پوری ہونے پر اسکولوں کو دوبارہ کھولاجارہا ہے۔

ان کا کہنا تھاکہ گزشتہ روز 25 تعلیمی اداروں کو دوبارہ کھولنے کی ہدایت کی گئی۔

بشکریہ جنگ