اسٹاک مارکیٹ میں آج کاروبار کا ملاجلا دن

پاکستان اسٹاک ایکسچینج (پی ایس ایکس) میں آج کاروبار کا ملاجلا دن رہا، 100 انڈیکس 46 پوائنٹس بڑھا ہے۔

انٹربینک میں ڈالر کا بھاؤ ایک روپیہ 4 پیسے کم ہوکر 174 روپے 48 ہے۔

کاروباری دن میں 100 انڈیکس 317 پوائنٹس کے بینڈ میں کاروبار کرنے کے بعد 45 ہزار 915 پر بند ہوا ہے۔

حصص بازار میں آج 19 کروڑ شیئرز کے سودے ہوئے جن کی مالیت 8 ارب 89 کروڑ روپے سے زائد رہی۔

مارکیٹ کیپٹلائزیشن آج 10 ارب روپے بڑھی ہے، جو کاروبار کی بندش پر 7 ہزار 851 ارب روپے ہے۔

بشکریہ جنگ