پنجگور اور نوشکی حملوں کے بعد وزارت داخلہ نے الرٹ جاری کردیا

بلوچستان میں پنجگور اور نوشکی میں حملے کے بعد وزارت داخلہ نے الرٹ جاری کردیا۔

وزارت داخلہ کی جانب سے چاروں صوبوں اور آزاد کشمیر کی پولیس اور سیکیورٹی اداروں کو الرٹ رہنے کی ہدایت کردی گئی ہے۔

اعلامیے میں کہا گیا ہے کہ تمام انٹیلی جنس و سیکیورٹی ادارے اور صوبائی حکومتیں غیر معمولی طور پر مستعد رہیں۔

مشیر داخلہ نے کہا کہ اس ماہ ہمیں دہشت گرد تنظیموں کی جانب سے تھریٹس تھیں، دہشت گرد تنظیموں کو افغانستان سے سپورٹ مل رہی ہے۔

وزارت داخلہ کا کہنا ہے کہ ایف سی کی مستعدی بلوچستان میں دہشت گردی کے واقعات کو ناکام بنانے میں اہم رہی۔

بشکریہ جنگ