امریکا نے پاکستان کو فائزر ویکسین کی47 لاکھ خوراکیں فراہم کردیں

امریکا نے کورونا وائرس کی وباء کی روک تھام کے لیے پاکستان کو 47 لاکھ فائزر ویکسین کی خوراکیں فراہم کردی ہیں۔

امریکی سفارت خانے کی جانب سے ایک بیان میں کہا گیا ہے کہ نئی فراہم کردہ ویکسین کے بعد امریکا کی جانب سے اب تک پاکستان کو مجموعی طور پر 4 کروڑ 14 لاکھ ویکسین فراہم کی جاچکی ہیں۔

سفارتخانے کا کہنا ہے کہ فائزر ویکسین کورونا وائرس کی کسی بھی قسم کے خلاف مؤثر ہے، کورونا مخالف اشتراک کےتحت پاکستان کو تقریباً 7 کروڑ ڈالر کی امداد بھی دی ہے۔

ترجمان وائٹ ہاؤس کا کہنا ہے کہ ہم دنیا بھر میں زیادہ سے زیادہ لوگوں کو بچانے کے لیے کوشاں ہیں۔

امریکی سفارتخانے نے یہ بھی کہا کہ امریکا کوویکس کے تحت ویکسین کی فراہمی کا سب سے بڑا حصہ دار ہے۔

امریکا 110 ممالک کو کورونا ویکسین کی 40 کروڑ سے زائد خوراکیں دے چکا ہے۔

بشکریہ جنگ