دو سالہ امریکی بچے نے گھر والوں کی جان بچالی

امریکی ریاست ٹیکساس میں 2 سال کے بچے ’برینڈن‘ نے اپنے گھر والوں کی جان بچالی۔

غیرملکی میڈیا کے مطابق ٹیکساس کے ایک مکان میں آگ لگی تو سونگھنے کی صلاحیت سے محروم کورونا کے مریض والدین سوتے رہے۔ اس دوران ان کے بیٹے برینڈن نے والدین کو جگایا تو وہ بچوں کو لے کر گھر سے باہر بھاگے۔

رپورٹس کے مطابق واقعے کے نتیجے میں گھر کا سارا سامان راکھ ہوگیا، لیکن خوش قسمتی سے کسی کو آنچ نہ آئی۔

بشکریہ جنگ