پی ایس ایل 7: کراچی کنگز کا لاہور قلندرز کو جیت کیلئے 171 رنز کا ہدف

کراچی کنگز نے پی ایس ایل سیون میں دونوں ٹیموں کے پہلے ٹاکرے میں لاہور قلندرز کو جیت کے لیے 171 رنز کا ہدف دے دیا۔ 

کرچی کے نیشنل اسٹیڈیم میں کھیلے جارہے اس میچ میں لاہور قلندرز نے ٹاس جیت کر پہلے بولنگ کرنے کا فیصلہ کیا تھا۔ 

کراچی کنگز کو اوپننگ جوڑی بابر اعظم اور شرجیل خان نے 84 رنز کی بہترین پارٹنر شپ قائم کی جہاں 60 رنز بنا کر شرجیل خان آؤٹ ہوئے۔ 

بابر اعظم نے 41 رنز کی اننگز کھیلی، جبکہ جو کلارک کے 24 اور محمد نبی کے 15 رنز کی بدولت کراچی کنگز 170 کے مجموعے تک پہنچنے میں کامیاب ہوئی۔  

واضح رہے کہ کراچی کنگنز کو اپنے ابتدائی دونوں میچوں میں ناکامی کا سامنا کرنا پڑا جبکہ لاہور قلندرز کا بھی ایونٹ میں ناکامی کے ساتھ آغاز ہوا۔

پلیئنگ الیونز:

لاہور قلندرز کی ٹیم میں کوئی تبدیلی نہیں کی گئی جبکہ کراچی کنگز میں دو تبدیلیاں کی گئی ہیں جس کے مطابق محمد عمران اور ٹام لمونبے کی جگہ پر صاحبزادہ فرحان اور عمید آصف کو شامل کیا گیا ہے۔ 

کراچی کنگز کی ٹیم کپتان بابر اعظم، شرجیل خان، جو کلارک، محمد نبی، صاحبزادہ فرحان، لوئس گریگوری، عامر یامین، عمید آصف، محمد طحہٰ، عماد وسیم اور محمد الیاس پر مشتمل ہے۔ 

لاہور قلندرز کی ٹیم میں کپتان شاہین شاہ آفریدی، فخر زمان، عبداللہ شفیق، محمد حفیظ، کامران غلام، سمت پٹیل، بین ڈنک، ڈیوڈ ویسا، راشد خان، حارث رؤف اور زمان خان شامل ہیں۔

بشکریہ جنگ