فواد چوہدری کی شہید سپاہی زین کے گھر والوں سے ملاقات

وفاقی وزیر اطلاعات  فواد چوہدری نے کیچ میں دہشت گردوں کے حملے میں شہید سیکیورٹی اہل کار زین علی کے گھر پہنچ کر ان کے گھر والوں سے تعزیت کا اظہار کیا۔

فواد چوہدری نے کہا کہ 23 سال کی عمر کالج جانے کی ہوتی ہے، شہید زین علی نے پاکستان کے لیے اپنا لہو دیا ہے، ہم شہدا کے لہو کے مقروض ہیں۔

وزیر اطلاعات نے کہا کہ پورا ملک ان خاندانوں کا احسان مند ہے، شہداء کی قربانیاں رائیگاں نہیں جائیں گی۔

فواد چوہدری نے کہا کہ ریاست اور حکومت ان کے خون کے ایک ایک قطرے کا حساب لے گی۔

بشکریہ جنگ