مرتضیٰ وہاب نے کراچی کے ترقیاتی منصوبوں سے متعلق بتادیا

ایڈمنسٹریٹر کراچی مرتضیٰ وہاب نے کراچی میں آئندہ سال ہونے والے ترقیاتی منصوبوں کے بارے میں بتادیا۔

کراچی میں کھلی کچہری سے خطاب کرتے ہوئے مرتضیٰ وہاب نے کہا کہ شارع نور جہاں کی تعمیر کے لیے احکامات جاری کردیے ہیں، شارع نورجہاں کا پہلے سیوریج کا مسئلہ حل ہوگا پھر سڑک تعمیر ہوگی، جبکہ قلندریہ نالہ اسی سال تعمیر ہوجائے گا۔

مرتضیٰ وہاب نے کہا کہ ضلع غربی اور وسطی کیلئے 32 سڑکیں تعمیرہوں گی، کراچی کے سو پارک کی تعمیرِ نو کا سلسلہ جاری ہے۔

ایڈمنسٹریٹر کراچی نے کہا کہ 4 سے 5 ماہ میں پبلک بسیں چلنا شروع ہوجائیں گی، 250 بسوں کی پہلی کھیپ جلد سندھ آئے گی، 240 بسیں کراچی اور 10 بسیں لاڑکانہ کے لیے لائی جا رہی ہیں۔

بشکریہ جنگ