فیصل آباد: ڈکیتی میں خاتون سے مبینہ زیادتی، ایس ایچ او معطل

فیصل آباد میں ڈکیتی کے دوران خاتون سے مبینہ زیادتی کے واقعے پر ایس ایچ او کو معطل کردیا گیا۔

سی پی او فیصل غلام مبشر نے میڈیا سے گفتگو میں کہا کہ دوران ڈکیتی خاتون سے مبینہ زیادتی کے واقعے پر ایس ایچ او عمر سرفراز کو معطل کرکے چارج شیٹ کردیا ہے۔

انہوں نے کہا کہ واقعے میں 7 ملزمان ملوث تھے، 4 کو گرفتارکرلیا ہے جبکہ دیگر ملزمان کی گرفتار کے لیے چھاپے مارے جارہے ہیں۔

غلام مبشر نے مزید کہا کہ دوران ڈکیتی چھینی گئی گاڑی موٹروے سے برآمد ہوئی ہے جبکہ واقعے کی تحقیقات کےلیے انکوائری کمیٹی بنادی ہے۔

بشکریہ جنگ