بہاولنگر: انگیٹھی میں دوپٹہ گر گیا، بچی جھلس گئی، حالت تشویشناک
پنجاب کے ضلع بہاولنگر میں کوئلوں کی انگیٹھی سے 5 سال کی بچی جھلس گئی۔
بچی کو ابتدائی طبی امداد کے بعد تشویش ناک حالت میں لاہور بھجوا دیا گیا ہے۔
ریسکیو ذرائع کے مطابق بہاولنگر کے علاقے محلہ اسلام نگر میں سردی کی شدت کو کم کرنے کے لیے کمرے میں جلائی گئی انگیٹھی پر 5 سال کی بچی فاطمہ کی چادر گر گئی جس سے آگ بھڑک اٹھی جس نے بچی کو لپیٹ میں لے لیا۔
ریسکیو ذرائع کے مطابق بچی کو ڈسٹرکٹ اسپتال میں طبی امداد کے بعد تشویش ناک حالت میں لاہور بھجوا دیا گیا ہے۔
ڈاکٹرز کا کہنا ہے کہ آگ سے جھلسنے سے بچی کے جسم کا 60 فیصد حصہ متاثر ہوا ہے۔
بشکریہ جنگ
Comments are closed.