انڈر ورلڈ کے 7 کارندے گرفتارکیے ہیں، حفیظ الرحمٰن بگٹی

لاہور پولیس نے پہلی بار شہر میں قتل و غارت اور بھتہ خوری میں انڈر ورلڈ کے کردار کو تسلیم کرتے ہوئے 7 اہم کارندے گرفتار کرنے کا دعوی کیا ہے۔

لاہور میں ایس پی سٹی آپریشنز حفیظ الرحمٰن بگٹی نے پریس کانفرنس کرتے ہوئے بتایا کہ شہباز عزیز، ساجد علی اور محمد ندیم کو پولیس مقابلے کے بعد گرفتار کیا گیا ہے۔

ایس پی سٹی کا کہنا تھا کہ ملزمان انڈر ورلڈ کے شوٹرز کو آپریٹ کررہے تھے، افضال کنو گینگ کا سرغنہ ہے جو بیرون ملک ہے۔

حفیظ الرحمٰن بگٹی نے مزید کہا کہ عابد باکسر کے گھر پر ریکی بھی ان ہی ملزمان نے کرائی اور افضال کے کہنے پر ملزمان نے ایم پی اے بلال یاسین کے کزن کی ریکی بھی کی۔

ان کا یہ بھی کہنا تھا کہ ملزمان جونا بٹ کو قتل کرنا چاہتے تھے، ملزمان اقبال ٹاؤن اور سٹی ڈویژن میں آپریٹ کرتے تھے۔

بشکریہ جنگ