لسٹڈ بزنسز کے منافع میں 59 فیصد اضافہ ہوا: عمران خان

وزیرِ اعظم پاکستان عمران خان کا کہنا ہے کہ کورونا وائرس کی وباء کے باوجود مالی سال کے پہلے 9 ماہ میں لسٹڈ بزنسز کے سالانہ منافع میں 59 فیصد اضافہ ہوا ہے۔

یہ بات وزیرِ اعظم عمران خان نے سماجی رابطے کی ویب سائٹ ٹوئٹر پر جاری کیے گئے ایک بیان میں کہی ہے۔

انہوں نے مزید کہا ہے کہ یہ ظاہر کرتا ہےکہ ہماری معیشت ٹھوس اندازمیں پھلنے پھولنے کے ساتھ نوکریوں کو جنم دے رہی ہے۔

وزیرِ اعظم عمران خان کا یہ بھی کہنا ہے کہ امید ہے کہ کاروباری ادارے اور مالکان منافع میں اپنے ملازمین کو حصے دار بنائیں گے۔

بشکریہ جنگ