کراچی کے7 اضلاع میں 25 سے27 ٹاؤن بنانے کا فیصلہ

سندھ حکومت نے کراچی میں ٹاؤن، میونسپل کونسلز کے لیے سفارشات تیار کرلیں، جس میں فیصلہ کیا گیا ہے کہ شہر کے 7 اضلاع میں 25 میں سے 27 ٹاؤن بنائے جائیں گے۔

ضلع وسطی میں 5 ٹاؤن بنانے کا فیصلہ کیا گیا ہے، جبکہ کیماڑی، غربی اور ملیر میں بھی مزید ٹاؤن بنائے جائیں گے۔

ذرائع کا کہنا ہے کہ کیماڑی میں 3، غربی میں 3 ٹاؤن بنائےجائیں گے۔

سندھ حکومت کی جانب سے ضلع ملیر میں 3 ٹاؤن بنانے کی تجویز زیر غور ہے، جبکہ ضلع کورنگی میں 4 ٹاؤن 37یونین کمیٹیاں بنائے جانے کا امکان ہے۔

ذرائع کا کہنا ہے کہ ضلع جنوبی میں 3، شرقی میں 5 ٹاؤن بنائے جانے کا امکان ہے۔

بشکریہ جنگ