فنانس بل منظوری میں دو، چار دن کی تاخیر کوئی ایشو نہیں، شوکت ترین

وزیر خزانہ شوکت ترین نے کہا ہے کہ فنانس بل کی منظوری میں دو ، چار دن کی تاخیر ہوئی تو کوئی ایشو نہیں ہوگا۔

اسلام آباد میں میڈیا سے گفتگو میں شوکت ترین نے کہا کہ عالمی مالیاتی ادارے (آئی ایم ایف) کے ساتھ 12 جنوری کی تاریخ طے ہے۔

انہوں نے کہا کہ آئی ایم ایف کے لیے فنانس بل کی منظوری میں دو، چار دن اوپر کا کوئی مسئلہ نہیں ہے۔

وزیراعظم عمران خان کی زیر صدارت حکومتی اور پارٹی ترجمانوں کا اجلاس ختم ہوگیا،اس موقع پر وزیراعظم اور وزیر خزانہ میں دلچسپ مکالمہ ہوا ۔

وزیر خزانہ نے مزید کہاکہ سپلیمنٹری فنانس بل کل سینیٹ میں پیش کر دیا جائے گا،ہو سکتا ہے 4 روز میں ضمنی مالیاتی بل سینیٹ سے کلیئر ہو جائے ۔

ان کا کہنا تھاکہ سینیٹ سے آنے کے بعد بل قومی اسمبلی سے پاس کرایا جائے گا۔

بشکریہ جنگ