ملتان: پاکستانی نوجوان کو ڈھونڈنے آنے والی غیر ملکی خاتون نے ہوٹل کی کھڑکی سے چھلانگ لگادی

ملتان میں پاکستانی نوجوان کو ڈھونڈنے کے لیے آنے والی غیر ملکی خاتون نے ہوٹل کی کھڑکی سے چھلانگ لگادی، معمولی زخمی ہوگئی۔

پولیس کا کہنا ہے کہ روسی خاتون سانگلہ ہل کے ایک نوجوان سے ملنے پاکستان آئی تھی۔

پولیس کے مطابق سانگلہ ہل کا رہائشی عبداللّٰہ اور خاتون دبئی میں ساتھ رہتے تھے، عبداللّٰہ خاتون کو دبئی چھوڑ کر آگیا تھا اور خاتون اس ڈھونڈنے کے لیے پاکستان آئی تھی۔

پولیس کے مطابق روسی خاتون آئی کرسٹیا چھلانگ لگانے سے معمولی زخمی ہوئی ہے۔

بشکریہ جنگ