بگ بیش لیگ: میلبرن اسٹارز کے مزید 3 کرکٹرز کورونا کا شکار ہوگئے

آسٹریلیا کی ٹی20 لیگ بگ بیش میں شامل ٹیم میلبرن اسٹارز کے مزید تین کرکٹرز کورونا وائرس کا شکار ہوگئے۔

میلبرن اسٹار کے کھلاڑیوں اور سپورٹ اسٹاف میں کورونا وائرس پھیل گیا ہے، تاہم وہ لیگ میں کل کا میچ کھیلے گی۔

انتظامیہ میلبرن اسٹارز نے کہا ہے کہ کرکٹ آسٹریلیا نے انہیں یقین دلایا ہے کہ بگ بیش لیگ (بی بی ایل) کا کل کا میچ ہوگا۔

بی بی ایل میں میلبرن اسٹارز اور پرتھ اسکارچرز کے درمیان کل ایونٹ کا میچ شیڈول ہے۔

رپورٹ کے مطابق میلبرن اسٹارز کے 10 کرکٹرز اور 8 سپورٹ اسٹاف ممبرز کورونا وائرس کی نئی لہر کا شکار ہوچکے ہیں۔

انتظامیہ میلبرن اسٹارز نے اعلان کیا ہے کہ کل پرتھ اسکارچرز کے خلاف میچ سے قبل ٹیم اسکواڈ کا اعلان کیا جائے گا۔

بشکریہ جنگ