پاک بحریہ کے 2 افسران کی ریئر ایڈمرل کے عہدے پر ترقی

پاک بحریہ کے ترجمان کا کہنا ہے کہ پاک بحریہ کے 2 افسران کو ریئر ایڈمرل کے عہدے پر ترقی دی گئی ہے۔

ترجمان نے کہا کہ ترقی پانے والوں میں ریئر ایڈمرل فیصل امین اور ریئر ایڈمرل سید فیصل علی شامل ہیں، دونوں افسران نے 1992ء میں پاک بحریہ کی آپریشنز برانچ میں کمیشن حاصل کیا تھا۔

پاک بحریہ کے ترجمان کا یہ بھی کہنا ہے کہ افسران پاک بحریہ میں کمانڈ اور اسٹاف کی اہم ذمہ داریاں سرانجام دے چکے ہیں۔

ریئر ایڈمرل فیصل امین اس وقت وزارت دفاع میں بطور ایڈیشنل سیکرٹری فرائض انجام دے رہے ہیں جبکہ ریئر ایڈمرل سید فیصل علی شاہ اس وقت ڈائریکٹر جنرل جوائنٹ کینٹونمنٹ گوادر تعینات ہیں۔

بشکریہ جنگ