بیجنگ سے لاس اینجلس جانیوالے آج پھر نیا سال منائینگے

چین کے دارالحکومت بیجنگ سے امریکی ریاست کیلیفورنیا کے شہر لاس اینجلس پہنچنے والے ایئر چائنہ کے مسافر آج پھر نیا سال منائیں گے۔

ان مسافروں نے گزشتہ رات چین کے دارالحکومت بیجنگ میں 2022ء کی آمد کا بھر پور جشن منایا۔

یہ مسافر یکم جنوری 2022ء کی رات 2 بج کر 19 منٹ پر ایئر چائنہ کی شیڈول فلائٹ CA625 سے امریکا روانہ ہوئے۔

یہ پرواز 10، 11 گھنٹے کا سفر طے کر کے آج مقامی وقت اور تاریخ کے مطابق 31 دسمبر 2021ء کی رات ساڑھے 9 بجے لاس اینجلس پہنچی۔

امریکی سر زمین پر مسافروں کے اترتے وقت پھر 2021ء ہے۔

یہ خوش قسمت مسافر لاس اینجلس میں پھر نئے سال 2022ء کا جشن منا اور دیکھ سکیں گے۔

بشکریہ جنگ