کورونا کیسز میں جیسا خدشہ تھا ویسی تیزی نہیں آئی: پارلیمانی سیکریٹری صحت

پارلیمانی سیکریٹری صحت ڈاکٹر نوشین حامد کا کہنا ہے کہ کورونا وائرس کے کیسز میں اس طرح کی تیزی نہیں آئی جیسے خدشہ تھا۔

پارلیمانی سیکریٹری صحت ڈاکٹر نوشین حامد نے میڈیا سے گفتگو کرتے ہوئے یہ بات کہی ہے۔

انہوں نے مزید کہا کہ اسپتالوں میں آکسیجن کی سپلائی میں بہتری کو یقینی بنایا جا رہا ہے، لوگ جلد از جلد ویکسی نیشن کرائیں، بوسٹر ڈوز لگوائیں۔

پاکستان کورونا مریضوں کے حوالے سے مرتب کی گئی فہرست میں 37 ویں نمبر پر آگیا، جبکہ اس کے کیسز کی شرح میں اضافہ سامنے آیا ہے۔

پارلیمانی سیکریٹری صحت ڈاکٹر نوشین حامد کا یہ بھی کہنا ہے کہ اعداد و شمار کے مطابق ملک میں کورونا وائرس کے کیسز کی شرح 1 فیصد سے نیچے ہے۔

واضح رہے کہ پاکستان کورونا مریضوں کے حوالے سے مرتب کی گئی فہرست میں 37 ویں نمبر پر آ گیا، جبکہ اس کے کیسز کی شرح میں معمولی اضافہ سامنے آیا ہے۔

ماہرینِ صحت نے خدشہ ظاہر کیا ہے کہ پاکستان میں اومی کرون کے کیسز کی وجہ سے فروری 2022ء میں کورونا وائرس کی وباء کی پانچویں لہر آ سکتی ہے۔

ملک میں گزشتہ 24 گھنٹوں کے دوران کورونا وائرس کے مزید 482 کیسز سامنے آئے ہیں، مزید 3 افراد اس موذی وباء کے سامنے زندگی کی بازی ہار گئے، اس کے مزید 535 مریض شفایاب ہو گئے، جبکہ مثبت کیسز کی شرح 0 اعشاریہ 95 فیصد پر آ گئی۔

پاکستان بھر میں اب تک 28 ہزار 921 کورونا وائرس کے مریض انتقال کر چکے ہیں جبکہ اس موذی وائرس کے کُل مریضوں کی تعداد 12 لاکھ 94 ہزار 861 ہو چکی ہے۔

بشکریہ جنگ