کابینہ نے قومی سلامتی پالیسی کی منظوری دے دی

وزیراعظم عمران خان کی زیرصدارت ہونے والے وفاقی کابینہ کے اجلاس میں قومی سلامتی پالیسی کی منظوری دے دی گئی۔

کابینہ اجلاس کے اعلامیے کے مطابق قومی سلامتی پالیسی کا محور پاکستان کے شہریوں کا معاشی تحفظ ہے۔

اعلامیے کے مطابق شہریوں کے معاشی تحفظ سے ملک کی سلامتی منسلک ہے، اس لیے قومی سلامتی پالیسی منظور کی گئی ہے۔

پیپلز پارٹی کے سینئر رہنما اور سابق چیئرمین سینیٹ رضا ربانی نے کہا ہے کہ سلامتی پالیسی پر پارلیمنٹ کی نہ رائے لی گئی اور نہ ہی اسے اعتماد میں لیا گیا ہے۔

وفاقی کابینہ نے اس پر کہا کہ پالیسی سازی کے عمل میں تمام متعلقہ وفاقی اداروں سے طویل مشاورت کی گئی۔

وفاقی کابینہ اجلاس میں فنانس ترمیمی بل یعنی منی بجٹ پیش نہ ہوسکا ۔

کابینہ اجلاس میں کہا گیا کہ پالیسی سازی کے عمل میں صوبائی حکومتوں، ماہرین اور پرائیویٹ سیکٹرز سے بھی طویل مشاورت کی گئی ہے۔

بشکریہ جنگ