کراچی میں گرج چمک کے ساتھ بارش، موسم سرد

کراچی کے بیشتر علاقوں میں صبح سویرے موسم سرما کی پہلی بارش اور بادلوں کی گھن گرج جاری ہے۔

کراچی کے علاقوں اورنگی ٹاؤن، نارتھ ناظم آباد، ناظم آباد، فیڈرل بی ایریا، صدر، کھارادر، ملیر، شارع فیصل، ایم اے جناح روڈ، برنس روڈ کے اطراف وقفے وقفے سے ہلکی بارش کا سلسلہ جاری ہے۔

وفاقی دارالحکومت اسلام آباد میں بادل پھٹنے کے باعث مختلف علاقوں میں سیلاب آگیا ہے۔

محکمہ موسمیات نے آج کراچی سمیت سندھ کے ساحلی علاقوں میں بارش کی پیش گوئی کر رکھی تھی۔

ایم نائن، کراچی سے حیدرآباد کےعلاقے میں وقفے وقفے سے بارش جاری ہے جس کے بعد ترجمان موٹر وے نے ہدایت جاری کرتے ہوئے کہا ہے کہ بارش سے اکثر مقامات پرپھسلن ہے لہذا ڈرائیورز گاڑی کی رفتار کم رکھیں۔ 

بشکریہ جنگ