رانا شمیم نے نواز شریف کے دفتر میں حلف نامہ کی توثیق کی، فواد چوہدری

اسلام آباد: وفاقی وزیر اطلاعات و نشریات فواد چوہدری کا کہنا ہے کہ گلگت بلتستان کے سابق چیف جسٹس رانا شمیم نے نواب شریف کے دفتر میں اپنے حلف نامہ کی توثیق کی۔

سماجی رابطے کی ویب سائٹ ٹوئٹر پر وزیر اطلاعات فواد چوہدری نے انگریزی روزنامے کی خبر ٹوئٹ کی اور ساتھ میں لکھا کہ رانا شمیم نے سابق چیف جسٹس ثاقب نثار اور اسلام آباد ہائی کورٹ کے جج صاحبان کے خلاف حلف نامہ نواز شریف کے دفتر میں ان کے سامنے نوٹیرائز کیا۔

فواد چعہدری نے لکھا کہ نئے انکشافات نے ایک بار پھر شریف خاندان کو سسیلین مافیا ثابت کردیا، کس طرح یہ لوگ ایک مافیا کی طرح عدالتوں سمیت اداروں کو بلیک میل کرنے کی صلاحیت رکھتے ہیں۔

راناشمیم نے جسٹس ثاقب نثار اور اسلام آباد ہائیکورٹ کے جج صاحبان کیخلاف حلف نامہ نواز شریف کے دفتر میں ان کے سامنے Notarise کرایا،نئےانکشافات نےایک بار پھر شریف فیملی کو سیسیلین مافیا ثابت کیا ہے کہ کس طرح وہ ایک مافیا کی طرح عدالتوں سمیت اداروں کو بلیک میل کرنےکی صلاحیت رکھتےہیں pic.twitter.com/MBPx0V1jpY

— Ch Fawad Hussain (@fawadchaudhry) December 26, 2021