سابق صدر آصف علی زرداری اسلام آباد پہنچ گئے

سابق صدر آصف علی زرداری وفاقی دارالحکومت اسلام آباد پہنچ گئے۔

ذرائع کے مطابق آصف علی زرداری اسلام آباد میں مختلف سیاسی شخصیات سے ملاقاتیں کریں گے۔

وزیراعلیٰ سندھ مراد علی شاہ نے کہا ہے کہ سندھ حکومت فروری یا مارچ میں بلدیاتی الیکشن کروانے کےلیے تیار ہے۔

ذرائع کے مطابق سابق صدر اس دوران ملکی سیاسی صورتحال اور اسپیکر قومی اسمبلی اور چیئرمین سینیٹ کے خلاف ممکنہ عدم اعتماد کی تحاریک سے متعلق حکمت عملی پر بھی غور کریں گے۔

دوسری طرف وزیراعلیٰ سندھ سید مراد علی شاہ نے کہا تھا کہ آصف علی زرداری کل بینظیر بھٹو کے برسی جلسے میں شرکت نہیں کریں گے۔

انہوں نے کہا تھا کہ آصف علی زرداری کی طبیعت ٹھیک نہیں ہے، اسی لیے وہ کل کے گڑھی خدابخش کے جلسے میں شریک نہیں ہوں گے۔

پیپلز پارٹی سندھ کے سینئر رہنما نثار کھوڑو نے کہا ہے کہ پارٹی کی سینٹر ل ایگزیکٹو کمیٹی ( سی ای سی ) کا اجلاس کہیں پر بھی ہوسکتا ہے۔

وزیراعلیٰ سندھ نے یہ بھی کہا کہ آصف علی زرداری نے عوام کی طاقت اور مدد سے حکومت گرانے کی بات کی ہے، اس حکومت کو ویسے تو آنا ہی نہیں چاہیے تھا۔

اس سے قبل اطلاعات آئیں تھی کہ پیپلز پارٹی کی سینٹرل ایگزیکٹو کمیٹی (سی ای سی) کا کل ہونے والا اجلاس بھی ملتوی کردیا گیا۔

اپوزیشن کی دوسری بڑی جماعت پیپلز پارٹی کی سینٹرل ایگزیکٹو کمیٹی (سی ای سی) کا نوڈیرو میں ہونے والا اجلاس ملتوی کردیا گیا ۔

پی پی کی سی ای سی کا ملتوی کی گیا اجلاس جنوری کے پہلے ہفتے میں ہوگا۔

بشکریہ جنگ