نیشنل ٹیبل ٹینس چیمپئن شپ میں سنسنی خیز مقابلے جاری

57ویں نیشنل ٹیبل ٹینس چیمپئن شپ لاہور میں جاری ہے، جہاں کھلاڑیوں کے درمیان ناک آؤٹ مرحلے میں داخل ہونے کے لیے سنسنی خیز مقابلے دیکھنے کو مل رہے ہیں۔

نیشنل ٹیبل ٹینس چیمپئن شپ نشتر پارک اسپورٹس کمپلیکس کے انڈور جمنازیم میں جاری ہے۔

چیمپئن شپ میں چاروں صوبوں سمیت 14 ٹیموں کے مینز اور ویمنز پلیئرز حصہ لے رہے ہیں۔

ایونٹ کے دوسرے روز کھیلے جانے والے ویمنز ٹیم ایونٹ میں پاکستان ریلویز نے بلوچستان اور دفاعی چیمپئن واپڈا نے خیبر پختون خواہ کو 0-3 سے ہرایا۔

عائشہ شرجیل نے سفیرا، محمودہ حیدر نے ثمن جبکہ صنم یاسین نے صدیقہ کو شکست دی۔

ویمنز سنگلز کے پہلے مرحلے میں مصباح، انعم الیاس، سعدیہ راحیل، راحیلہ کاشف، ماہین شیراز، فروا بابر، فرح الیاس، ماریہ تعظیم، نوشین وسیم اور وجیہہ ابوبکر نے کامیابی حاصل کی۔

بشکریہ جنگ