‎ نوازشریف کے واپس آنے کا خوف سونے نہیں دے رہا،رانا ثنااللّٰہ

پاکستان مسلم لیگ ن کے رہنما رانا ثنااللّٰہ کا کہنا ہے کہ ‎ نواز شریف کے واپس آنے کا خوف سونے نہیں دے رہا، نوازشریف آئیں گے تو عمران نیازی، شیدا ٹلی اور کرائے کے ترجمانوں کو چھپنے کی جگہ بھی نہیں ملے گی۔

وزیر داخلہ شیخ رشید کے بیان پر رد عمل دیتے ہوئے رانا ثنا اللّٰہ نے کہا کہ آپ کو جو کرنا ہے کریں، جو کہنا ہے کہیں، جانا تو پڑے گا۔

رہنما مسلم لیگ ن نے کہا کہ  نا لائقی، نا اہلی، کرپشن کا سونامی لانے والوں کی چیخیں نکل رہی ہیں۔

رانا ثنا نے کہا کہ نیازی سمیت ہر وزیر اور ترجمان کا بیان و پریس کانفرنس صرف نواز شریف اور شہبازشریف سے متعلق ہے۔

انہوں نے کہا کہ عمران نیازی کو ایک ہی پیغام ہے کہ ’’بس آپ نے گھبرانا نہیں ہے‘‘  اس وقت پی ٹی آئی بطور جماعت قانوناً ختم ہوچکی ہے۔

بشکریہ جنگ