کراچی: ملیر میں 50 سالہ شخص قاتلانہ حملے میں زخمی

کراچی کے علاقے ملیر کی جعفر طیار سوسائٹی میں نامعلوم ملزمان نے گلی کے کونے پر کھڑے 50 سالہ شخص پر قاتلانہ حملہ کیا ہے۔

ملزمان گلی کے کونے پر کھڑے شخص کو فائرنگ کر کے زخمی کرنے کے بعد فرار ہو گئے۔

واقعے کی سی سی ٹی وی فوٹیج میں ملزمان کو 50 سالہ قمر رضا پر فائرنگ کرتے ہوئے دیکھا جا سکتا ہے۔

کراچی کے علاقے گلستان جوہر میں بچی کو اسکول چھوڑنے جانے والے سیکریٹری سندھ بار کونسل کو کار پر فائرنگ کر کے قتل کر دیا گیا۔

2 موٹر سائیکلوں پر سوار 4 حملہ آور آئے اور قمر رضا کو گولی مار کر چلتے بنے۔

ملزمان کی فائرنگ سے زخمی قمر رضا کی حالت انتہائی تشویش ناک ہے۔

پولیس کے مطابق فائرنگ کا واقعہ ٹارگٹ کلنگ ہے یا دشمنی اس حوالے سے تحقیقات کی جا رہی ہے۔

جائے وقوع سے ملنے والے گولی کے خول کو تحویل میں لے لیا گیا ہے۔

بشکریہ جنگ