کراچی پر بادلوں کا راج، بوندا باندی کا امکان

کراچی پر بادلوں کا راج ہے، آئندہ 24 گھنٹوں کے دوران ملک کے سب سے بڑے شہر کراچی کا مطلع جزوی ابر آلود رہنے اور بوندا باندی کا امکان ہے۔

محکمۂ موسمیات کے مطابق شہر کا آج کم سے کم درجۂ حرارت 19 ڈگری سینٹی گریڈ ریکارڈ کیا گیا۔

آئندہ 24 گھنٹوں میں کم سے کم درجۂ حرارت 17 سے 19 ڈگری سینٹی گریڈ کے درمیان رہنے کا امکان ہے۔

چیف میٹرولوجسٹ سردارسرفراز کا شہر قائد کراچی کے موسم سے متعلق کہنا ہے کہ کراچی میں بارش کا کوئی امکان نہیں جبکہ رات ودن کے اوقات میں شہرمیں بونداباندی اورپھوار کی توقع ہے۔

شہرِ قائد میں شمال مشرق کی سمت سے 10 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 32 فیصد ہے۔

بشکریہ جنگ