کراچی: کورنگی مہران ٹاؤن میں مبینہ مقابلے کی سی سی ٹی وی ویڈیو سامنے آگئی

کراچی کے علاقے کورنگی مہران ٹاؤن میں مبینہ مقابلے میں 32 سالہ واصف کی ہلاکت کے حوالے سے مقابلے کی سی سی ٹی وی ویڈیو سامنے آگئی۔

ویڈیو میں پولیس اور ملزمان کے درمیان فائرنگ کا تبادلہ دیکھا جاسکتا ہے، جبکہ موٹرسائیکل سوار ملزمان نے موٹرسائیکل چھیننے کی کوشش کی۔ اس دوران پولیس بھی پہنچ گئی۔

فائرنگ کے تبادلے میں گولی 32 سالہ واصف کو لگی۔ پولیس اسپتال پہنچانے کے بجائے اُسے ڈاکو قرار دینے میں لگی رہی۔ اس دوران وہ جاں بحق ہوگیا۔

پولیس اہلکاروں کے خلاف قتل کا مقدمہ کورنگی صنعتی ایریا تھانے میں درج ہے۔

بشکریہ جنگ