ملک بھر میں موسم سرد، خشک، درجہ حرارت منفی 13 تک پہنچ گیا

ملک کے بیشتر علاقوں میں آج موسم سرد اور خشک جبکہ بالائی علاقوں میں ابر آلود رہا۔

بلوچستان کے شمالی علاقوں میں سردی کی شدت میں کمی ہوئی ہے، کوئٹہ میں آج کم سے کم درجہ حرارت منفی 3 ڈگری سینٹی گریڈ ریکارڈ کیا گیا۔

اگلے 24 گھنٹوں میں کم سے کم درجہ حرارت اسکردو میں منفی 13، ڈگری سینٹی گریڈ رہنے کا امکان ہے۔

لیہہ میں منفی 10، استور میں منفی 9، گلگت منفی 8، مالم جبہ منفی 5، کوئٹہ منفی 4،، مری منفی 2، اسلام آباد اور پشاور صفر، لاہور میں 3 اور کراچی میں کم سے کم درجہ حرارت 11 ڈگری سینٹی گریڈ رہنے کا امکان ہے۔

بشکریہ جنگ