پنجاب انٹرنیشنل اوپن اسکواش چیمپئن شپ شروع

پنجاب انٹرنیشنل اوپن اسکواش چیمپئن شپ شروع ہوگئی، جس میں ملک بھر سے 32 کھلاڑی شریک ہیں، چیمپئن شپ میں 6 ہزار ڈالرز کی انعامی رقم تقسیم کی جائےگی۔

پنجاب اسکواش کمپلیکس لاہور میں چیمپئن شپ کے پہلے دن طیب اسلم نے وقار محبوب کو اسٹریٹ گیمز میں 0-3 سے ہرا دیا۔

محمد فرحان نے میاں عبدالمغنی کو اور سعید عبداللّٰہ نے محسن حسن رضا کو ہراکر دوسرے راؤنڈ میں جگہ بنائی۔

ظاہر شاہ اور محمد عیسیٰ کے درمیان میچ بھی یکطرفہ رہا جبکہ حمزہ شریف نے ملک عبدالمعز کے خلاف بھی باآسانی 0-3 سے کامیابی حاصل کی۔

نوید رحمن، محمد عبدالقادر، اسرار احمد، فرحان زمان اور محمد فرحان ہاشمی نے بھی اپنے میچز جیت لیے۔

بشکریہ جنگ