ریحام خان کا بلدیاتی انتخابات میں PTI کی شکست پر انوکھے انداز میں طنز
وزیراعظم عمران خان کی سابقہ اہلیہ ریحام خان نے بلدیاتی انتخابات میں پاکستان تحریک انصاف (پی ٹی آئی) کی شکست پر طنز کردیا۔
خیبرپختونخوا کے بلدیاتی انتخابی میں حکمران جماعت کی شکست پر ریحام خان نے انوکھے انداز میں طنز کیا۔
سماجی رابطے کی ویب سائٹ پر ریحام خان نے ایک ویڈیو شیئر کی ہے، جس میں وہ چائے کا کپ ہاتھ میں لیے ہوئے ہیں۔
ریحام خان کی ویڈیو میں سامنے ٹی وی پر ٹی20 ورلڈ کپ میں پاکستان کی جیت پر بریکنگ کا جملہ چل رہا ہے۔
ٹی وی پر سرخی چل رہی ہے پاکستان نے بھارت کو پچھاڑ دیا اور تاریخ کا دھارا پلٹ گیا۔
وزیراعظم عمران خان کی سابقہ اہلیہ نے یہ ویڈیو کے ساتھ دیے گئے پیغام میں ’جمعیت علماء اسلام (جے یو آئی) نے تحریک انصاف (پی ٹی آئی) کو پچھاڑ دیا‘ لکھا ہے۔
انہوں نے یہ پیغام ٹی از فنٹاسٹک اور گرم چائے کے ہیش ٹیگ کے ساتھ شیئر کیا ہے۔
بشکریہ جنگ
Comments are closed.