بدھ14؍شوال المکرم 1442ھ26؍مئی 2021ء

آلودہ ترین شہروں میں آج لاہور تیسرے نمبر پر

دنیا کے آلودہ ترین شہروں کی فہرست میں آج لاہور تیسرے، پڑوسی ملک افغانستان کا دارالحکومت کابل پہلے، بھارتی دارالحکومت دہلی دوسرے نمبر پر ہے۔

ایئر کوالٹی انڈیکس کے مطابق کابل کی فضاء آج انتہائی آلودہ ہے جہاں پرٹیکیولیٹ میٹرز کی تعداد 250 ریکارڈ ہوئی۔

اس فہرست میں دہلی میں پرٹیکیولیٹ میٹرز کی تعداد 216 اور لاہور میں 207 ریکارڈ کی گئی۔

فہرست میں نیپال کا دارالحکومت کٹھمنڈو 182 پرٹیکیولیٹ میٹرز کے ساتھ چوتھے نمبر پر ہے۔

ایئر کوالٹی انڈیکس کی آلودگی کے حوالے سے پاکستان کے حوالے سے کی گئی درجہ بندی میں بہاول پور 405 پرٹیکیولیٹ میٹرز کے ساتھ پہلے نمبر پر ہے۔

فیصل آباد 314 پرٹیکیولیٹ میٹرز کے ساتھ دوسرے اور ملتان 232 پرٹیکیولیٹ میٹرز کے ساتھ تیسرے نمبر پر ہے۔

اس فہرست میں ملک کا سب سے بڑا شہر کراچی 148 پرٹیکیولیٹ میٹرز کے ساتھ 10 ویں نمبر پرہے۔

ایئر کوالٹی انڈیکس کی درجہ بندی کے مطابق 151 سے 200 درجے تک آلودگی مضرِ صحت ہے۔

ایئر کوالٹی انڈیکس کا یہ بھی کہنا ہے کہ 201 سے 300 درجے تک آلودگی انتہائی مضرِ صحت ہے جبکہ 301 سے زائد درجہ خطرناک آلودگی کو ظاہر کرتا ہے۔

بشکریہ جنگ
You might also like

Comments are closed.