لاہور میں شدید دھند کے باعث پی آئی اے کی پروازوں کے شیڈول میں تبدیلی

پی آئی اے نے لاہور میں شدید دھند کے باعث پروازوں کے شیڈول میں تبدیلی کر دی ہے۔ کراچی سے قومی ایئرلائن کے ترجمان کے مطابق لاہور سے جانے اور آنے والی بعض پروازیں اب اسلام آباد سے آپریٹ ہوں گی۔

ترجمان پی آئی اے کے مطابق آج مدینہ سے لاہور کی پرواز پی کے 9716  اب اسلام آباد پہنچےگی، جبکہ 16 دسمبر کو لاہور سے مدینے کی پرواز پی کے 9743 اب اسلام آباد سے روانہ ہوگی۔ 

ترجمان نے بتایا کہ 16 دسمبر کو جدہ سے لاہور کی پرواز پی کے 9712 اب اسلام آباد پہنچے گی۔

16 دسمبر کو لاہور سے مدینہ کی پرواز پی کے 9739 اب اسلام آباد سے روانہ ہوگی اور 16 دسمبر کو لاہور سے دبئی کی پرواز پی کے 203 اسلام آباد سے روانہ ہوگی۔ 

ترجمان نے کہا کہ 16 دسمبر کو دبئی سے لاہور کی پرواز پی کے 234 اسلام آباد پہنچے گی۔

بشکریہ جنگ