نیشنل اسٹیڈیم میں تماشائیوں کی کم تعداد پر شاہد آفریدی بھی مایوس

سابق کپتان پاکستان کرکٹ ٹیم شاہد آفریدی نے بھی پاکستان اور ویسٹ انڈیز کے درمیان پہلے ٹی ٹوئنٹی میچ میں شائقین کی تعداد کی کم ہونے پر مایوسی کا اظہار کیا ہے۔ 

اپنے بیان میں ان کا کہنا تھا کہ اسٹیڈیم میں شائقین کی کم تعداد نے بہت مایوس کیا ہے۔ 

انہوں نے یہ بھی کہا کہ یہ جاننا اہم ہے کہ ایسا کیوں ہے، اسے کیسے بہتر کیا جاسکتا ہے۔ 

سابق لیجنڈری کرکٹر وسیم اکرم کو کراچی والوں کی پاکستان بمقابلہ ویسٹ انڈیز میں عدم دلچسپی نے افسردہ کردیا۔

شاہد آفریدی نے سوال اٹھایا کہ ٹکٹوں سے کتنے پیسے بن سکتے ہیں؟  اسٹیڈیم بھرا ہونا چاہیے۔ 

قبل ازیں سابق کپتان وسیم اکرم نے بھی پہلے ٹی ٹوئنٹی میچ میں اسٹیڈیم خالی ہونے پر افسوس کا اظہار کیا تھا۔ 

وسیم اکرم نے کہا تھا کہ مجھے معلوم ہے ایسا کیوں ہوا لیکن میں فینز سے سننا چاہتا ہوں، مجھے بتائیں کہ کراؤڈ کہاں ہے اور فینز کیوں نہیں آئے؟

واضح رہے کہ پاکستان اور ویسٹ انڈیز کے درمیان پہلے ٹی ٹوئنٹی میچ میں اسٹیڈیم میں تماشائیوں کی تعداد بہت کم رہی تھی۔

بشکریہ جنگ