اگلے الیکشن کیلئے ہماری تیاری زبردست ہوگی، راجا پرویز اشرف

سابق وزیراعظم اور پیپلز پارٹی وسطی پنجاب کے صدر راجا پرویز اشرف نے کہا ہے کہ اگلے الیکشن کے لیے ہماری تیاری زبردست ہوگی۔

لاہور میں میڈیا سے گفتگو میں راجا پرویز اشرف نے کہا کہ بلاول بھٹو کارکنان کو ملنے اور مبارک باد دینے لاہور آئے۔

انہوں نے کہا کہ ہم اگلے الیکشن کی تیاری کریں گے، ہم ہر آنے والے الیکشن کے لیے زبردست تیار ہوں گے۔

سابق وزیراعظم نے مزید کہا کہ سابق صدر آصف علی زرداری صاحب کہہ چکے ہیں، ہمارا جینا اور مرنا پاکستان کے لیے ہونا چاہیے۔

اُن کا کہنا تھا کہ پیپلز پارٹی ملک کی بڑی جماعت ہے، ہم عوام کے مسائل کی سیاست کرتے ہیں۔

راجا پرویز اشرف نے کراچی گرین لائن منصوبے میں سب کا حصہ شامل ہونے کا بیان دیا اور کہا کہ گرین لائن جیسے پروجیکٹس کو متنازع نہیں بنانا چاہیے۔

بشکریہ جنگ