کیبل ایسوسی ایشن کا کےالیکٹرک کی جانب سے آپٹک فائبرز کاٹنے پر شدید رد عمل

کیبل ایسوسی ایشن آف پاکستان اور پاکستان ٹیلی کمیونیکیشن ایکسس پرووائڈر ایسوسی ایشن نے کےالیکٹرک کی جانب سے آپٹک فائبرز کو کاٹنے پر شدید رد عمل کا اظہار کیا ہے۔

چیئرمین کیپ خالد آرائیں نے اعلان کیا کہ اگر کےالیکٹرک نے روش نہ بدلی تو 13دسمبر کو آئندہ کے لائحہ عمل کا اعلان کیا جائے گا۔

کیبل ایسوسی ایشن آف پاکستان اور پاکستان ٹیلی کمیونیکیشن ایکسس پرووائڈر ایسوسی ایشن نے مشترکہ اعلامیہ جاری کیا ہے۔

چیئرمین کیپ خالد آرائیں کے مطابق کےالیکٹرک کی جانب سے شہر میں فائبر آپٹک وائرز کو کاٹنا افسوسناک ہے۔

ان کا کہنا ہے کہ کےاثاثوں کو نقصان پہچانے کے ساتھ ساتھ عوام کو بھی مشکلات میں ڈالا جارہا ہے۔ کےالیکٹرک پچھلے 15 دنوں سے تاروں کو کاٹ رہا ہے۔

خالد آرائیں کا کہنا تھا کہ کیپ اور پی ٹی اے پی اے نے کئی بار معاملہ کےالیکٹرک کے سامنے اٹھایا مگر تاریں کاٹنے کا سلسلہ نہیں رکا، کمشنرکراچی کی موجودگی میں یقین دہانی کے باوجود فائبروائرز کو کاٹنے کا سلسلہ جاری ہے۔

انہوں نے وفاقی حکومت، گورنر سندھ، وزیراعلیٰ سندھ، ایڈمنسٹریٹر کراچی، کمشنر کراچی سمیت دیگرحکام سے اپیل کی کہ کےالیکٹرک کو اس حوالے سے ہدایت دیں۔

بشکریہ جنگ