ملتان ایئرپورٹ ٹرمینل کا افتتاح، نواز شریف کی جانب سے گیلانی کے خیر مقدم کی ویڈیو

سابق وزیر اعظم نواز شریف نے اپنی وزارت عظمیٰ کے دور میں ایک تقریب کے دوران پی پی دور حکومت کے وزیر اعظم یوسف رضاگیلانی کو اسٹیج پر بٹھایا تھا۔

نواز شریف کی یوسف رضا گیلانی کو اسٹیج پر بٹھانے کی ویڈیو آج سوشل میڈیا پر گردش کرتی رہی۔

9 مارچ 2015 کو پنجاب کے شہر ملتان میں ایئرپورٹ کے نئے ٹرمینل کے افتتاح کے وقت سابق وزیر اعظم نواز شریف نے ٹرمینل کا سنگِ بنیاد رکھنے والے پیپلز پارٹی دور کے وزیر اعظم یوسف رضا گیلانی کا خیر مقدم کیا تھا۔

اس حوالے سے پاکستان مسلم لیگ ن کے رہنما پرویز رشید نے بھی ایک بیان جاری کیا ہے۔

 پرویز رشید کا کہنا تھا کہ ملتان کے بین الاقوامی ایئرپورٹ کی افتتاحی تقریب میں یوسف رضا گیلانی مہمانوں کی صفوں میں تشریف فرما تھے نواز شریف نے انہیں اسٹیج پر بٹھایا تھا۔

سوشل میڈیا پر دیے گئے بیان میں پرویز رشید نے کہا کہ اس وقت کے وزیر اعظم نواز شریف نے یوسف رضا کو اسٹیج پر دائیں ہاتھ نشست فراہم کی۔

پرویز رشید نے کہا کہ دیگر چیزوں کے ساتھ رواداری کی تہذیب کا خاتمہ بھی عمران کے حصے میں ہی آیا۔

بشکریہ جنگ