اسد عمر، بلاول بھٹو پر تنقید سے قبل اپنے گریبان میں جھانکیں، شازیہ مری

پاکستان پیپلز پارٹی (پی پی پی) کی سیکریٹری اطلاعات شازیہ مری نے پی ٹی آئی رہنما اسد عمر کو مخاطب کرتے ہوئے کہا ہے کہ چاند پر تھوکا اپنے منہ پر واپس آتا ہے، بلاول بھٹو پر تنقید سے قبل اپنے گریبان میں جھانکیں۔

پی ٹی آئی رہنما کی تقریر پر ردعمل دیتے ہوئے شازیہ مری نے کہا کہ اسد عمر کو معیشت کا عالم چنہ بناکر پیش کیا گیا اور موصوف نے معیشت کی لٹیا ڈبو دی۔

اسد عمر نے کہا کہ آپ سندھ کا نام لیتے ہیں اور عمران خان کی حکومت کام کرتی ہے، 6 بار صوبے میں اور 4 بار وفاق میں پیپلز پارٹی کی حکومت رہی ہے۔

واضح رہے کہ کراچی میں گرین لائن  بس کے افتتاح کی تقریب سے خطاب کرتے ہوئے وفاقی وزیر برائے منصوبہ بندی اسد عمر کا کہنا تھا  کہ بلاول معصوم بچہ ہے اس کی بات کو زیادہ سیریس نہیں لینا چاہیے۔ بلاول بھٹو کے اس بیان پر کہ ہمیں ابھی ٹائم چاہیے۔ اسد عمر نے کہا کہ بیٹا آپ کے نانا 50 سال پہلے سے حکمران رہے ہیں۔

پیپلز پارٹی پر تنقید کرتے ہوئے اسد عمرکا کہنا تھا کہ آپ سندھ کا نام لیتے ہیں اور عمران خان کی حکومت کام کرتی ہے، 6 بار صوبے میں اور 4 بار وفاق میں پیپلز پارٹی کی حکومت رہی ہے۔

بشکریہ جنگ