پنجاب حکومت 46 نئی گاڑیاں خریدے گی

پنجاب حکومت نے وزیراعلیٰ اور صوبائی وزرا کیلئے 46 نئی گاڑیاں خریدنے کا فیصلہ کرلیا ۔

رپورٹ کے مطابق وزیراعلیٰ کیلئے نئی بلٹ پروف گاڑی خریدی جائے گی، صوبائی وزرا کے لیے نئی گاڑیوں کی خریداری کے لیے 18 کروڑ 64 لاکھ روپے کی سپلیمنٹری گرانٹ جاری کرنے کی منظوری دی گئی ہے۔

یاد رہے کہ پنجاب حکومت وزیراعلیٰ اور کابینہ کے لیے نئی گاڑیاں خریدنے کی منظوری دے چکی ہے۔

علاوہ ازیں پنجاب حکومت کی جانب سے کچھ وزراء کے قلمدان پھر سے تبدیل کرنے پر غور کیا جارہا ہے، اس بار اتحادی جماعت کے وزیر کا قلمدان تبدیل کیا جاسکتا ہے۔

حکومتی ذرائع کے مطابق (ق) لیگ سے تعلق رکھنے والے باؤ محمد رضوان سے وزیر ماحولیات کا قلمدان واپس لیے جانے کا امکان ہے۔

بشکریہ جنگ