خواجہ جنید ٹیم لیڈر رہیں گے، کوچنگ کی ذمہ داریاں ایکمین نبھائیں گے، آصف باجوہ

پاکستان ہاکی فیڈریشن (پی ایچ ایف) نے ڈچ کوچ سیگفیڈ ایکمین سے 2026 تک کے لیے معاہدہ کر لیا۔ سیکریٹری آصف باجوہ کا کہنا ہے کہ خواجہ جنید ٹیم لیڈر رہیں گے، کوچنگ کی ذمہ داریاں ایکمین نبھائیں گے۔

پی ایچ ایف کے سیکریٹری آصف باجوہ نے ڈچ ہاکی کوچ ایکمین اور خواجہ جنید کے ہمراہ نیوز کانفرنس میں بتایا کہ ایکمین کی خدمات طویل مدت کے لیے حاصل کی ہیں جس کا فائدہ ہوگا۔

ہالینڈ سے تعلق رکھنے والے ہاکی کوچ سیگفیڈ ایکمین نے پاکستان کی قومی ہاکی ٹیم کو جوائن کر لیا ہے ۔

انہوں نے کہا کہ ایکمین کے اخراجات وفاقی حکومت اٹھائے گی، وہ ٹیم کے ہمراہ ایشین چیمئینز ٹرافی کے لیے بنگلادیش جا رہے ہیں۔

ہاکی ٹیم کے ہیڈکوچ سیگفیڈ ایکمن کا کہنا ہے کہ کھلاڑیوں میں مہارت ہے لیکن انہیں ٹیکنیکل طور پر مضبوط کرنے کی ضرورت ہے۔

نئے ٹیم لیڈر اولمپیئن خواجہ جنید نے کہا کہ ایکمین ہی کوچنگ کریں گے باقی سب انہیں سپورٹ کریں گے۔

واضح رہے کہ ایشین ہاکی چیمپئینز ٹرافی 14 دسمبر سے ڈھاکا میں شروع ہوگی جس میں شرکت کے لیے قومی ٹیم کل صبح کراچی سے بنگلادیش روانہ ہوگی۔

بشکریہ جنگ