بھارتی جنرل بپن راوت کا ہیلی کاپٹر گِرنے سے پہلے کی ویڈیو سامنے آگئی
بھارتی چیف آف ڈیفنس اسٹاف جنرل بپن لکشمن سنگھ راوت کے تامل ناڈو میں ہیلی کاپٹر گِرنے سے پہلے کی ویڈیو سامنے آگئی۔
وائرل ویڈیو میں دیکھا جاسکتا ہے کہ فضا میں ہیلی کاپٹر کے انجن میں آگ لگی ہوئی ہے اور آہستہ آہستہ وہ آگ بھڑک اُٹھی۔
ویڈیو میں دیکھا جاسکتا ہے کہ پائلٹ کی جانب سے ہیلی کاپٹر آسمان میں اوپر کی طرف لے جایا گیا اور پھر واپس یو ٹرن لیا گیا لیکن آگ زیادہ لگنے کی وجہ سے پائلٹ کنٹرول نہیں کرسکا۔
اس کے بعد ایک کے بعد ایک مسافر کو ہیلی کاپٹر سے نیچے گِرتے ہوئے دیکھا گیا اور کچھ دیر میں ہیلی کاپٹر بھی نیچے آگِرا اور تباہ ہوگیا۔
واضح رہے کہ گزشتہ روز بھارتی ریاست تامل ناڈو میں بھارتی فضائیہ کا ہیلی کاپٹر گر کر تباہ ہوا جس میں سوار بھارتی فوج کے پہلے چیف آف ڈیفنس اسٹاف (سی ڈی ایس) جنرل بپن راوت ہلاک ہوئے۔
بھارتی میڈیا کے مطابق ہیلی کاپٹر میں چیف آف ڈیفنس اسٹاف بپن راوت، ان کی اہلیہ، ڈیفنس اسسٹنٹ، سیکیورٹی کمانڈوز، فضائیہ کے پائلٹس سمیت مجموعی طور پر 14 افراد سوار تھے۔
بھارتی فضائیہ کا کہنا ہے کہ ایم آئی 17وی 5 ہیلی کاپٹر تامل ناڈو میں گرا۔
Comments are closed.