جونیئر ہاکی ورلڈکپ 2021 میں پاکستان کی 11ویں پوزیشن

جونیئر ہاکی ورلڈکپ میں پاکستان نے 11ویں پوزیشن حاصل کرلی، آخری میچ میں پولینڈ کو 0-5 سے مات دی۔

بھارت کے شہر بھوبنیشور میں جاری ٹورنامنٹ میں پاکستان ٹیم ایونٹ کی تاریخ میں پہلی مرتبہ ٹاپ ٹین پوزیشن سے باہر ہوگئی۔

پاکستان ٹیم کا مقابلہ گیارہویں پوزیشن کے لیے پولینڈ سے تھا۔ میچ میں پاکستانی ٹیم نے اچھا کھیل پیش کیا اور حریف کو 0-5 سے مات دے دی۔

بھارت کے شہر بھوبنیشور میں کھیلے جارہے جونیئر ہاکی ورلڈکپ میں جنوبی افریقہ نے پاکستان کو شوٹ آؤٹ پر ہرادیا۔

رضوان علی نے دو گول اسکور کیے، کپتان رانا وحید، نائب کپتان معین شکیل اور عماد انجم نے ایک، ایک گول اسکور کیا۔

اس کامیابی کے نتیجے میں پاکستان نے ایونٹ کا اختتام گیارہویں پوزیشن پر کیا۔

خیال رہے کہ جونیئر ہاکی ورلڈکپ میں 16 ٹیموں نے شرکت کی۔

بشکریہ جنگ