اومی کرون، سندھ میں بوسٹر ڈوز لگانے کا سلسلہ شروع

سندھ بھر میں اومی کرون وائرس کے پیش نظر بوسٹر ڈوز لگانے کا سلسلہ شروع کردیا گیا ہے۔

محکمہ صحت سندھ کے حکام کے مطابق بوسٹر کے لئے پہلی ویکسین کے ڈوز 6 ماہ مکمل ہونا لازمی ہیں۔

بوسٹر ڈوز ابتدائی طور پر 50 سال سے زائد عمر کے افراد کو لگے گی۔

وزیر صحت سندھ ڈاکٹر عذرا فضل پیچوہو کا کہنا ہے کہ اومیکرون وائرس کے سلسلے میں بہت تشویش کا سامنا ہے، تشویش ہے کہ بوسٹر ویکسین وائرس کی اس قسم کیلئے مؤثر ہوگی یا نہیں۔

بوسٹر ڈوز جناح، چلڈرن اسپتال، ایکسپو سینٹراور ڈاؤ اوجھا کیمپس میں لگائی جارہی ہے۔

ویکسین کی فراہمی سے دیگر سینٹرز میں بھی سہولت شروع کردی گئی ہے، سینٹرز میں بوسٹر ڈوز لگانے کے انتظامات مکمل کیے گئے ہیں۔

بشکریہ جنگ