شارع فیصل پر کار پر فائرنگ، ایک شخص جاں بحق

کراچی میں  شارع فیصل نرسری کے قریب موٹر سائیکل سواروں کی فائرنگ سے ایک شخص جاں بحق اور خاتون سمیت 3 افراد زخمی ہوئے ہیں۔

ایس پی جمشید ٹاؤن فاروق بجرانی کے مطابق فائرنگ کے واقعے میں 3 سے 4 افراد کے زخمی ہونے کی اطلاع ہے۔

فاروق بجرانی کا کہنا ہے کہ پولیس کی نفری جائے وقوعہ اور  اسپتال بھیجی ہے۔

پولیس کا کہنا ہے کہ فائرنگ سے وسیم نامی شخص جاں بحق ہوا ہے، جبکہ کوثر، منیر اور نصیر زخمی ہوئے ہیں۔

پولیس حکام کا کہنا ہے کہ  ابتدائی اطلاعات کے مطابق کوثر کی منگنی وسیم سے ہوئی تھی، ابتدائی اطلاعات کے مطابق یہ افراد عدالت سے واپس آرہےتھے۔

بشکریہ جنگ