ہم ہارے نہیں ہیں ہم نے سیکھا ہے: شاہین شاہ آفریدی

فاسٹ بولر شاہین شاہ آفریدی نے سیمی فائنل میں پاکستان کی شکست کے بعد سوشل میڈیا پر پہلا پیغام جاری کردیا۔

شاہین شاہ آفریدی نے مائیکرو بلاگنگ سائٹ ٹوئٹر پر قومی کرکٹ کے ٹی ٹوئنٹی اسکواڈ کی تصویر شیئر کی۔

فاسٹ بولر نے تصویر شیئر کرتے ہوئے لکھا کہ ’ہم نے اپنی طرف سے اپنا سب کچھ دیا۔‘

شاہین شاہ آفریدی نے کہا کہ ’ہم مستقبل میں بھی اسی طرح محنت جاری رکھیں گے۔‘

اُنہوں نے مزید کہا کہ ’ہم ہارے نہیں ہیں ہم نے سیکھا ہے، ہم مضبوط انداز میں کم بیک کریں گے اور مسکراہٹیں بکھیریں گے۔‘

آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آسٹریلوی کرکٹر میتھیو ویڈ کا کیچ ڈراپ ہونے کے بعد حسن علی کے چہرے پر آنے والے شرمندگی کے تاثرات کو کیمرے کی آنکھ میں بند کرلیا گیا جس کی ویڈیو وائرل ہورہی ہے۔

واضح رہے کہ آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آسٹریلیا نے پاکستان کو ایک مرتبہ پھر ناک آؤٹ مرحلے میں شکست دے کر فائنل کے لیے کوالیفائی کرلیا۔

بشکریہ جنگ