پاک آسٹریلیا مقابلے کا میلہ سینٹرل جیل میں بھی سج گیا

آئی سی سی ٹی ٹوئنٹی کرکٹ ورلڈکپ کے سیمی فائنل کا میچ دیکھنے کے لیے سینٹر جیل کراچی میں بھی بڑی اسکرین پر قیدیوں کو میچ دکھایا جارہا ہے۔

پاکستان اور آسٹریلیا کے درمیان بڑے مقابلے کا میلہ کراچی سینٹرل جیل میں بھی دکھانے کا اہتمام کیا گیا ہے۔

ٹی ٹوئنٹی کرکٹ ورلڈکپ میں عمدہ کھیل کا مظاہرہ کرتے ہوئے بابر اعظم نے پانچ میچز میں سے چار میچ میں نصف سنچریاں بھی بنائی ہیں۔

قیدی آج سیمی فائنل بڑی اسکرین پر دیکھ رہے ہیں، میچ شروع ہونے سے پہلے ہی جیل میں گہما گہمی نظر آئی، جبکہ جیل میں قیدیوں نے رقص بھی کیا۔

پاکستان کرکٹ ٹیم کے کھلاڑی 2010 کی ہار کا بدلہ چکائیں گے، ناک آؤٹ میں کینگزوز کو زیر کرکے دکھائیں گے۔

ٹی ٹوئنٹی ورلڈ کپ میں دونوں ٹیموں نے اب تک چھ میچز کھیلے ہیں، تین، تین میچز جیت کر دونوں کا حساب برابر ہے۔

بشکریہ جنگ